CAGAYAN DE ORO CITY – Gikompirmar ni Cagayan de Oro City Police Director Colonel Henry Dampal nga ‘for approval’ na sa National Telecommunications Commission ang iyang rekomendasyon nga signal jamming sa mga dagkong aktibidad sa kapistahan ni Sr San Agustin ning syudad.
Kini tungod kay nagtoo si Dampal nga epektibo kini isip kabahin sa security preparations sa dakbayan.
Partikular nga ipaubos sa signal jamming ang petsa 26 ,27 ug 28 sa Agosto diin dagkong mga aktibidad ang mahitabo sa syudad.
Sa matag kasaulugan sa kapistahan sa syudad, hugot nga gidili sa mga pulis ang pagdala sa mga backpack, pagsul-ob ug kalo, sun glasses ug daghan pang uban.
