CAGAYAN DE ORO CITY – Gikompirmar ni City Director Col. Henry Dampal nga nagbaton na sila sa person of interest sa kamatayon ni Roads and Traffic Administration (RTA) member Mark Langam nga unang gipusil diha sa Brgy. Puerto sa syudad.
Miingon si Dampal nga daghang mga imbestigador sa lain-laing PNP units ang mitabang kanila aron pagsulbad sa kamatayon ni Langam.
Dugang ni Dampal nga wala usab nila isalikway ang anggulo nga may laing kakontra ang biktima samtang kugi nga gituman ang road clearing operation order nga gisangon ni Pres Rodrigo Duterte sa nagkadaiyang local government units sa nasud.
Samtang gidasig ni RTA head Rizalino Borlagdatan ang mga enforcer nga dili malugda paghimo sa ilang tahas taliwala sa pagkapusili sa ilang kauban.
Gibutyag ni RTA enforcer Black Bidder kinsa kauban niadtong higayon nga gipusil si Mark Langam nga giingan sila ni Borlagdatan nga padayonon lamang ang paghimo sa ilang trabaho ug kuhaa’g inspirasyon ang pagsakripisyo sa kinabuhi ni Langam aron mahimong epektibo sa trabaho.
