CAGAYAN DE ORO CITY- Pabilin pang gisuta sa Municipal Disaster Risk and Reduction Management Office o MDRRMO ang damyos human hapaka sa 4.1 magnitude nga linog ang Wao, Lanao del Sur.
Sumala ni Wao MDRRMO head Francis Garcia nga dako iyang pagtoo nga mosaka pa ang ihap sa damyos sa nanggaguba nga mga hospital, terminal, public market ug residential kon itandi sa miaging linog.
Siya miingon nga tungod kini kay daghang mga gambalay ang nangaliki sa miagi nga pagtay-og ug nasamotan kini sa lain na usab nga linog.
Sa pagkakaron, pabiling wala pa’y tawo nga gika-report nga naangol sa maong linog.
