CAGAYAN DE ORO CITY – Gikan sa P1.2-Million nga gibana-banang damyos sa dakung sunog sa 12th ug 28th St. Barangay Nazareth, gibutyag ni Fire Investigator SFO4 Sam Lawrence Velarde, Chief Operations Narazeth Fire Station nga giminusan nila sa P350,000 ang damyos sa mga struktura nga nasunog sa maong barangay.
Sa interbyu sa Bombo Radyo, gitin-aw ni Velarde nga pabiling blangko pa ang mga otoridad sa hinungdan sa insidente gawas lang sa gibutyag sa mga silingan nga ang nabiyaan nga gitak-ang nga kan-on ang ilang nakitang hinungdan sa pagdilaab sa balay nila Nilda Gomez.
Gitin-aw sab ni Velarde nga anaa lamang sa 43 ka balay ug kapin 50 ka pamilya ang apektado sa sunog.
