CAGAYAN DE ORO CITY-Gihagit ni Dept of Agriculture o DA Undersecretary Pompee La Vinia si kanhi City Councilor Candy Darimbang nga modagan pagka-mayor aron sila magka-kontra sa 2019 midterm elections sa syudad.
Gihimo ni La Vinia ang hagit gumikan sa sulti ni Darimbang nga maglisod siya’g endorso niini pagka-mayor kay dili politiko ug kulang makinarya.
Miingon si La Vinia nga hulaton niya ang pag-endorso ni President Rodrigo Duterte ilabina nga nangayo na kini’g suporta sa Padayon Pilipino-Hugpong ng Pagbabago-Centrist Democratic Party alliance.
Una niini,nagtoo si Darimbang kinsa sama kang La Vinia mobangga kang City Mayor Oscar Moreno nga usa lamang ang hataga’g endorsement ni Duterte sa piliay ning syudad.
