Pamaagi lamang aron tabonan ang tinuod nga kagamay sa kita ug kalisud sa mga Pilipino ang gigamit nga datos sa kapobrehon sa nasud.
Giyagyag ni kanhi Vice Governor Joey Pelaez sa Bombo Radyo nga tuyo nga gipamub-an sa mga opisyal ang poverty line aron lang mugamay ang magawas nga gidaghanon sa mga kabus sa ilang opisyal nga report.
Matod sa ekonomista, ang ₱2,927 nga kita kada bulan matag indibidwal imposible kaayong makahatag og desente nga kinabuhi.
Gipasidaan usab niini nga ang ₱21 matag kaon nga gigahin sa goberno ang nag-unang hinungdan sa kakulang sa nutrisyon ug pagka-stunted sa pagtubo sa mga kabataan.
