Nag-atubang gihapon sa hulga sa kagutom ug kakabos ang daghang pamilya sa Region 10 taliwala sa gihimong mga interventions sa gobyerno.
Mao kini ang gipasidaan ni National Anti-Poverty Commission OIC-Assistant Secretary Ana C. Cañeda human nagpabilin nga top priority sa poverty reduction ang Bukidnon ug Lanao del Norte base sa datos sa Philippine Statistics Authority o PSA.
Gipadayag sa opisyal nga dako pa ang angay kab-oton sa pagpatuman sa Magna Carta of the Poor tungod kay bisan taas ang koleksyon sa buhis sa mga munisipyo, naglisod gihapon sa kita ang mga panimalay.
Apan gitin-aw ni Cañeda nga dako og tabang ang probisyonal nga ayuda gikan sa nagkadaiyang ahensya aron mapanalipdan dayon sa gutom ang mga kabus samtang ginatutokan ang ilang panginabuhian.—–
