CAGAYAN DE ORO CITY – Gipusil-patay ang usa ka datu samtang mitambong sa haya sa iyang kabanay sa Brgy Dominorog,Talakag,Bukidnon.
Giila ni Police Capt Jisselle Longgakit,tigpamaba sa Bukidnon Provincial Police Office ang biktima nga si Datu Bulbulutan Gabriel Ocum nga nagpuyo sa maong lungsod.
Saysay ni Longgakit nga kalit misulod sa tribal hall ang wala mailang suspek ug gilayong pusil sa biktima sa iyang lawas hinungdan sa kamatayon niini.
Gisuta pa usab sa mga otoridad ang hinungdan o motibo sa maong kamatayon sa biktima kagahapong adlawa.
