CAGAYAN DE ORO CITY, Philippines – Subling gi-atake ni PCO Undersecretary Claire Castro ang lokal nga kagamhanan sa Davao ubos sa pagdumala niadto ni Bise Presidente Sara Duterte, ug ang pagdawat sa Rodrigo Duterte Administration sa dugang ambulansya gikan sa China.
Sa gipatawag nga prescon, walay duha-duha nga gilitok ni Castro ang ngalan sa bise presidente nga midawat sa wala matino nga salapi gikan sa mga insek panahon sa COVID-19 pandemic.
Gawas niini, gisaad ni Castro nga tun-an ang alegasyon nga gikan sa Ispitang mga insek ang mga motorsiklo nga gidonar ug gidawat sa Philippine National Police.
Mahinumduman nga sa milabay semana, gi-igo usab ni Castro ang mag-amahang Duterte human niya gibutyag nga nabutang sa grey list sa “Financial Action Task Force” ang Pilipinas tuig 2021 kung asa nabulit kini sa kurapsiyon ug walay tumang aksiyon sa pakigbatok sa terrorismo, busa mihungaw ang isyu sa terrorism financing.
