CAGAYAN DE ORO CITY – Dili hunungan sa Philippine Army ang paghimo sa mga operasyon aron hingpit nang mabungkag ang teroristang Dawlah Islamiya nga utok sa mga kalihukang terorista sa Mindanao.
Alayon kini sa pag-angkon usab sa ahensiya nga seryosong potential security threat ang grupo alang sa taliabot nga 2025 midterm elections.
Sa paghinabi sa Bombo Radyo,gibutyag ni Philippine Army spokesperson Col. Louie Dema-ala nga dili na nila gusto maka-porma ang grupo aron dili na makasabwag kagubot sa umaabot piliay.
Gihimo ni Dema-ala ang pahayag nunot sa pinakaulahing hiniusang operasyon sa kapolisan ug militar batok sa DI members diin lima ang mga namatay ug tag-usa ang dakpan ug samaron sa Brgy Bangco,Sultan Naga Dimaporo,Lanao del Norte.
Hisayrang makapila nang na-engkuwentro sa militar ang maong grupo sukad pa sa pagsulay nila’g ilog sa control sa Marawi City,Lanao del Sur tuig 2017.
