CAGAYAN DE ORO CITY – Gigukod karon sa tropa sa 51st IB,Philippine Army ang grupo ni Dawlah Islamiyah Lanao terrorist leader Abu Zacariah nga nasiplatan nila ang presensiya sa lungsod sa Pualas,Lanao del Sur.
Kini human misakay sa kolor puti nga pribadong sakyanan si Abu nga paspas nakasibat sa dihang gigukod na sa mga sundalo.
Miingon si Joint Task Force ZamPelan commander Lt. Gen Antonio Nafarrete nga nagka-engkuwentro pa ang tropa sa mga sundalo ug anaa sa napulo ka perimeter backup ni Zacariah.
Gani,nabilin sa mga nagkatibulaag nga sakop ni Zacariah ang M60 7.26 mm general purpose machine gun o GPMG nga may mga bala sa mismong encounter area.
Hisayrang ang DI-Lanao group ang nagsilbing sumusunod sa Maute-ISIS terrorists nga misulay’g ilog sa Marawi City apan gipulbos lamang sa state forces sulod sa lima ka bulan sa tuig 2017.
