Wala pay lead ang mga otoridad kung kinsa ang responsabli sa pagransak sa Child Development Center sa Brgy Iponan, ning syudad, niadtong Lunes.
Subay sa report, posibleng nahitabo ang insidente sa Sabado o Domingo sa kadlawon, human gibilin sa kawatan ang mga bukog sa manok nga iyang gi-prito sulod sa lawak.
Una nang namahayag ang magtutudlo sa Daycare nga adunay silay refridgirator kung asa naka-istak ang mga food supplies sa mga bata.
Hisayran nga niadtong Lunes, maoy misugat kanila ang gibiyaang kalha nga adunay cooking oil, gi-alimigas nga karneng manok ug mga bukog sa manok.
Giguba sa kawatan ang screen door likod nga bahin sa tunghaan ayha nakasulod sa lawak saringan ug nangransak sa pagkaon.
