Balimbing man ang pipila apan giklaro ni Atty. Raymond Batu, ang legal counsel sa DDS SARA ALL CONFEDERATION, nga lehitimo na ang bagong 13 ka majority bloc sa liderato ni senate president sherwin gatchalian.
Bisan pa niini, gipadayag niya nga kinahanglan gayod mangilabot ang Korte Suprema aron maghatag og tin-aw nga giya kalabot sa mga isyu sa konstitusyon, ilabi na sa pagpaubos sa threshold sa pagbotar gikan sa 24 ngadto sa 22 ka mga senador.
Hinuon, gihatagan usab og gibug-aton sa abogado nga angayan gihapon nga desisyonan ang mga lehitimong pangutana kalabot sa mga lihok ug resolusyon nga gipasa sa maong pundok sukad niadtong Hunyo 3.
Gipasabot ni Batu nga ang pag-interpret sa 1987 Constitution maoy nag-unang katungdanan sa labawng hukmanan aron masiguro nga husto ug subay sa balaod ang proseso sa legislative department.
Sa ulahing bahin, nanawagan siya og aksyon gikan sa husgado aron malikayan ang posibleng pagkagubot sa umaabot nga mga proseso sa Senado, sama na lamang sa mga impeachment proceedings.
