Positibo ang DDS Sara All Confederation nga dili mopadayon ang impeachment complaint batok kang Bise Presidente Sara Duterte sa Senado bisan paman nga karong adlawa mag convene na kini isip trial court.
Kini ang gibutyag ni Engr. Dioric M. Gavino co-convenor sa grupo, diin iyang giingon nga lig-on gihapon ang suporta sa mayorya sa Senado ug posible nga dili na mausab ang kasamtangang liderato niini.
Matod pa niya, adunay labing menos 13 ka senador nga anaa sa mayorya ug nagpakita na sa ilang baruganan kabahin sa kasamtangang kahimtang sa impeachment complaint.
busa alang kaniya ang mga desisyon sa mga senador wala kunoy kalabotan sa pamulitika kondili gibase sa ilang konsensya ug personal nga pagtan-aw sa isyu.
Dugtong niini, bisan pa sa mga naglutaw nga hugonhugon sa social media mahitungod sa laing pag-ilis sa liderato sa Senado, para kaniya dili na kini dayon mahitabo tungod kay mahimo lamang kini nga dugang kagubot sa Senado.
