Nagpahayag si Engr. Dioric Gavino sa grupong DDS Sarah All Confederation nga nagatuo sila nga dili natural ang dagan sa imbestigasyon sa impeachment proceedings batok kang Vice President Sara Duterte sa miaging Martes.
Hinungdan niini nga ilang gisuspetsahan nga adunay gisunod nga script ang giingong bagman sa kampo sa bise, si Ramil Madriaga, atol sa iyang pag-atubang sa mga pangutana.
Matud ni Gavino, klaro nga parehas kini sa Bikoy case kaniadtong 2019 diin adunay gihapoy mga akto sa pagmanipula sa gipagula nga pahayag ni Peter Joemel Advincula, mas nailhan nga alias Bikoy, nga nagdala og mga akusasyon batok sa pipila ka mga politiko nga nalambigit sa political drug trade.
Butyag pa ni Gavino nga ang estado ni Madriaga karon susama sa nahitabo kaniadto, rason nga kini mihilak ug murag nakonsensya sa iyang gipagawas nga mga impormasyon nga giingon sa kampo sa bise nga puro lamang mga bakak.
