Usa sa mga gipanawagan sa DDS Sara All Confederation mao ang panaghiusa ug pagtinabangay sa tanang sektor aron undangon ang sobra nga pamolitika.
Matod ni Engr. Dioric Gavino, secretary general sa maong grupo, ilang gituohan nga klaro nga adunay “script” ang gihimong impeachment proceedings batok kang Vice President Sara Duterte, base sa ilang namatikdan nga daloy sa mga panghitabo sa Kongreso.
Dugang pa niya, giingon nga adunay mga pangutana ug pahayag nga murag gisunod sa giandam nga linya sa Committee on Justice, nga nagdala og pagduda sa proseso.
Gipunting usab niya nga samtang nagpadayon ang maong isyu, napasagdan ang mga panginahanglan sa ordinaryong katawhan nga nag-atubang sa lain-laing suliran sa nasod.
Busa, gipasiugda ni Gavino ang kamahinungdanon sa paghiusa ug pag-focus sa mga isyung makahatag og kaayohan sa publiko.
