CAGAYAN DE ORO CITY – Mabalhin sa laing rehiyon sa Mindanao si Police Regional Office 10 Director Brig Gen Jaysen De Guzman gikan sa Northern Mindanao nga nakabase sa Kampo Alagar sa Cagayan de Oro City.
Kini human kabahin si De Guzman sa lima ka regional directors nga gipaubos ni PNP chief Gen Nicolas Torre III nga malahugay duha ka semana ang nakalabay sukad gitudlo ni Pres Bongbong Marcos sa pinakataas nga katungdanan.
Si De Guzman ang gibalhin ni Torre sa PRO Bangsamoro Autonomous Region in Muslim Mindanao ug mohulip kaniya si PNP-CIDG Deputy Director for Administration Brig Gen Rolindo Macahilos Suguilon.
Sa gipatuman nga lahugay,wala pa malatid kung kanus-a ang turnover of command tali kang De Guzman ug Suguilon sa Kampo Alagar diin gihulatan usab kinsa ang mangulo sa kalihukan.
Sa liderato ni De Guzman,kabahin sa gihingusgang gipatuman niini ang overlapping checkpoint sa nagkadaiyang bahin sa rehiyon hinungdang tipik kini sa nakahatag sa kahusay ug kalinaw sa panahon sa eleksyon sa Mayo 12 ning tuiga.
Naharang usab ang gatos ka tawo nga gilakipan sa tulo ka pulis,duha ka sundalo ug ubang trabahante sa gobierno nga tuyo mopalusot sa mga armas taliwala sa gipatuman nga Commission on Elections ‘gun ban’ checkpoints palibot sa rehiyon sa milabay’ng election period.
Hisayrang gawas sa pagkabalhin ni De la Torre ug Suguilon, si Southern Police District (SPD) Director Brig. Gen. Joseph Reyes Arguelles ang acting Regional Director, PRO Davao Region; PRO Western Visayas Director Brig. Gen. Jack Limpayos Wanky nagsilbi nang acting Regional Director, PRO CALABARZON;National Capital Region Police Office Deputy Regional Director for Administration Brig. Gen. Ponce Rogelio Ibasco Peñones mangulo na sa Regional Director PRO Western Visayas;PRO Calabarzon Director Brig. Gen. Paul Kenneth Tuhay Lucas gitahasan isip acting Deputy Regional Director for Administration;National Police Training Institute (NPTI) Deputy Director Brig. Gen. Arnold Evangelista Abad – acting Director, Northern Police District;Directorate for Operations (DO) Deputy Director Brig. Gen. Randy Ygay Arceo isip acting Director, SPD;Directorate for Research and Development Director Maj. Gen. Robert Alexander Aguilar Morico II – Officer-in-Charge, Area Police Command – Visayas;Former Quezon City Police District Director Brig. Gen. Melecio Maddatu Buslig Jr. – acting Deputy Regional Director for Administration, PRO Mimaropa;Communications and Electronics Service Director Brig. Gen. Warren Gaspar Appad Tolito – Chief of Staff, PNP Academy.
