CAGAYAN DE ORO CITY – Katawhan ang amo ug dili ang mga politiko.
Kini ang hait nga pagpadumdom ni Police Regional Office 10 Director Brig Gen Jaysen De Guzman nga nakabase sa Camp Alagar sa iyang mga pulis likayan nga mahimong daw mga ulipon sa pipila ka politiko ug mapasagdan na ang ilang trabaho.
Gihimo sa heneral ang mensahe aron kanunay’ng masilsil sa pangutukan sa mga pulis ang pagsilbing non-partisan sa ilang trabaho ug mo-distansya sa impluwensiya sa mga politiko.
Nanganti si De Guzman nga dili magpasagad ang iyang mga kaubang pulis kay paspas na mokaylap sa publiko ang bisan unsa nga binuhatan tungod sa social media.
Hisayrang sa taliabot piliay sunod tuig, 118 ka pulis nga giapilan sa 3 ka commission officers ang gipang-relib sa ilang trabaho kay adunay mga paryente nga apil sa magpapili sa 2025 elections.
