CAGAYAN DE ORO CITY – Gipangayuan ni Limketkai Luxe Hotel General Manager Jerome de la Fuente sa direktang katin-awan si Misamis Oriental Gov. Juliette Uy kabahin sa expose niini nga adunay halos 48 million pesos nga utang si kanhi Gov. Peter Unabia ngadto kanila.
Kini human nakurat si De la Fuente kung asa gikan ang impormasyon nga gigamit ni Uy nga wala man sukad nagbaton sa obligasyon si Unabia sa ilang hotel.
Namahayag ang maong opisyal nga dili kini mohunong sa pagpangita’g katin-awan sa gobenadora kay namantsahan ang imahen sa hotel ug apektado usab ang iyang krebibilidad.
Gani,gusto sa hotel management nga mangayo’g pasaylo si Uy sa gihimong pahayag niini diin sila nadamay epektibo sa politika.
Gibutyag pa ni De la Fuente nga gikatingala niya kung asa nakakuha si Uy sa maong kasayuran.
Hisayrang gilayong gipa-esplikar si De la Fuente atubangan sa tag-iya ug mga opisyal sa Luxe Hotel human sa pagbuto sa isyu kagahapong adlawa.
