CAGAYAN DE ORO CITY- Ipakusog pa sa kapolisan kuyog ang militar ang ilang pagbantay sa seguridad alang sa katawhan nga nanimuyo dinhi sa rehiyon.
Pasalig kini ni PNP chief Dir Gen Ronald de la Rosa bisan nga wala pa’y dakong hulga sa seguridad ang giatubang sa syudad.
Gimando ni De la Rosa sa PNP-10 nga doblehon pa ang ilang paningkamot aron masikop ang mga sakop sa teroristang ISIS-Maute nga misugod na pagsulod sa ubang bahin sa Mindanao gikan sa pagsibat sa Marawi City.
Una nang gibutyag ni De la Rosa nga angay dili pasagdan sa kapolisan ang bag-ong regional director nga si C/Supt Tim Pacleb nga mamintinar ang kahusay’g kalinaw ilabina ang pagsanta sa mga terorista nga mohasi sa mga probinsya sa Amihang Mindanao.
