Kusganong gipanghimakak ni Representative Leila de Lima ang mga pasangil sa giingong mga kanhi bodyguard ni kanhi Representative Zaldy Co nga apil siya sa sekretong tigom sa ICC aron planohon ang pag-aresto kang kanhi Presidente Rodrigo Duterte.
Gitawag ni De Lima nga usa ka dakong bakak ang maong mga alegasyon ug daw klaro nga wala gyud siya makatambong sa bisan unsang tigom nga nahitabo.
Bisan pa niana, giangkon sa magbabalaod nga hugot niyang gimonitor ang dagan sa kaso sa ICC tungod sa iyang dugay na nga adbokasiyang “karapatang pantao” o katungod sa tawo.
Gipasabot pa niya nga natural lang kini kaniya isip kanhi lider sa Commission on Human Rights ug isip senador nga nanguna sa imbestigasyon sa extrajudicial killings.
Hisayran nga iyang gihatagan og gibug-aton nga wala gyud siya nalambigit sa bisan unsang sekretong panagsabot nga may kalabotan sa pagdakop sa kanhi presidente.
