INTERNATIONAL
“Kung walay sala, ayaw likayi!” Mao kini ang mensahe ni House prosecutor ug Liberal Party leader Leila de Lima kabahin sa umaabot nga impeachment trial batok kang Vice President Sara Duterte.
Matod ni De Lima, ang maong proseso kabahin sa due process ug kahigayonan nga matubag sa bise presidente ang mga akusasyon nga giatubang niya.
Gipahayag usab niya nga kung tinuod nga walay kasalanan si VP Sara, angay lamang nga atubangon ug dili likayan ang korte sa Senado.
Gilauman usab niya nga motubag ang legal team ni Duterte sa summons nga ipagawas sa Senate Impeachment Court.
Dugang pa niya, ang pagsunod sa proseso pinaagi sa pormal nga tubag maoy importante aron mapadayon ang hustong pagdungog sa kaso.
