Mas gipili ni incoming House Representative Leila de Lima nga mahimong miyembro sa minorya ug oposisyon sa Kamarabaha.
Namahayag si De Lima, kinsa first nominee sa Mamamayang Liberal (ML) partylist nga gusto niyang mahimong “fiscalizer” ug ipalig-on ang alyansa sa mga minority block sa kongreso kay naghi-usa ang ilang tumong sama sa pagpangita’g hustisya sa mga linupigan ug ipatigbabaw ang kamatuuran batok “fake news”.
Miingon si De Lima nga dakung garbo alang kaniya nga subli siyang giluklok sa minilyong ihap sa mga tawong misalig kaniya.
Dugtong niini, andam si De Lima nga mudawat sa managlahing tanyag ug iya kining timbang-timbangon sama sa paghawid sa usa ka dakung komite ug mahimong minority leader.
Unang gidawat ni de Lima ang tanyag nga mahimong House Prosecutor sa impeachment trial ni Vice President Sara Duterte sa senado, karong Hunyo 2.
