CAGAYAN DE ORO CITY, Philippines – Taman pa sa Oktobre 16 ang lugway sa pagpasa sa petisyon aron e-deklarar nga nuisance ang usa ka kandidato sa pagkasenador, kongresista ug uban pang poste sa local nga kagamhanan.
Gitin-aw ni Commission on Elections Chairman Atty George Erwin Garcia ang pamahayag human nahukman sa en banc nga hatagan sa dugang duha ka adlaw ang pagsumiter sa election protest batok sa mga kandidato nga dili kwalipikado mudagan alang sa 2025 local and national elections.
Mipasabot si Garcia nga dili sayon ang musala sa petisyon ilabe na nga dili lang taman sa en banc ruling ang gi-apas sa mga madeklarar nga nuisance apan lakip sa mudesisyon niini ang labing taas nga hukmanan sa nasud, ang Korte Suprema.
