CAGAYAN DE ORO CITY – Misaka pa sa 42 ka pasyente ang namatay sa pagkatakbuyi sa COVID-19 sa rehiyon.Kini subay sa data nga gilugwa ni Dept of Health 10 Director Dr. Adriano Suba-an kabahin sa maong sakit.
Gibutyag ni Suba-an nga 2-mil 052 ka positibong kaso,912 kanila ang natakdan pinaagi sa local transmission samtang anaa usab sa mil-091 ang nakarekober sa maong sakit.
Dugtong niini,gikompirmar ni Suba-an nga ang dakbayan pa gihapon sa Iligan ang dunay labing taas nga kaso diin 536 na ang nagsakit ug 23 ang nangamatay sukad nasudlan sa bayrus.
Samtang napun-an sa laing pasyente nga positibo sa coronavirus nga nakalas ang dakbayan kagahapong adlawa.
Kini human kompirmaha ni City Health Office head Dra Lorraine Nery nga dugang pito ang positibo sa bayrus diin usa kanila ang namatay ning syudad.
Gibutyag ni Nery nga sa 483 ka katibuk-ang natakdan sa bayrus,188 niini ang aktibo samtang 279 ang nangaulian na.
Tungod sa dugang namatay,nagbaton na ang syudad sa 16 nga death toll sukad nakasulod ang bayrus.
