CAGAYAN DE ORO CITY, Philippines – Kapin 3,000 na katawo ang nabangalang patay sa pagtay-og sa 7.7 Magnitude nga linog sa Myanmar niadtong Marso 28.
Miingon ang Junta Government nga labing daghan sa mga nabangalan, nagsumikad sa mga namuyo sa dagkang gambalay o residential apartments sa Mandalay ug Sagaing Region.
Mahinumduman nga ang Mandalay maoy dool sa episentro sa Linog kundiin liboan ang dungan nga nalubong human nakalot ang ilang lawas sulod sa 72 oras ang nakalabay.
Ang Naypyidaw mitala sa gatosang mga biktima ug kasagaran mga dagkung struktura ang anaa sa ground zero.
Lakip sa nadamyos ang simbahan sa Our Lady Help of Christians sa Sagaing ug Our Lady of Lourdes sa Yamethin.
Pipila ka mga patigayon sama sa high rise nga mga hotel ang nabungkag sa Kyaukse, Meiktila ug Pyawbwe.
Una nang nagpasalamat si Junta Leader Senior General Min Aung Hlaing sa tabang nga natunol sa mga silingang nasud sa Asia hinungdan nga napaspasan ang pagrekober sa mga patay’ng lawas.
Gikasubo ni Hlaing nga taas pa ang tsansa nga musangko sa 3,500 ang patay human daghan pa ang reported nga missing.
Sa pagkutlo ning balita anaa na sa 3,354 ang patay, 4,850 samarn, ug padayon ang pagsaka sa mga survivors kundiin, sulod sa 100 ka oras, buhi nga nakalot ang lawas sa 259 sulod sa nahugno nga gambalay sa Mandalay.
