CAGAYAN DE ORO CITY, Philippines – Misaka ka sa 41 ang napalgang patay sa pagkadiskarel sa Indian Tourist Bus sa pangpang sa Nepal.
Subay sa labing lab-as nga report, nalumos patay ang dugang 22 ka lawas nga nabangalan sa rescue and retrieval operation nga gilusad sa mga otoridad sa Marsyangdi River sa Tanahun district.
Miangkon si Tanahun district official Janardan Gautam nga nagkalisud sila sa pagresponde sa mga pasahero tungod sa kusog nga sulog ug lawom ang suba.
Una nang namahayag ang medical team sa Tanahun nga 16 ka pasyente ang ilang gi-airlift gamit ang chopper apan silang tanan nabugtuan sa kinabuhi pag-abot sa hospital sa Kathmandu.
Hisayran nga pulos mga pilgrims ang 43 ka sakay sa bus nga gikan pa sa Pokhara.
