Patay ang truck driver nga si Johny Amacna Villanueva, taga Talakag, Bukidnon, human mahulog ang iyang gimaneho nga tanker truck sa gilawomon nga 80 hangtod 100 ka tiil sa pangpang sa Macahambus Cave, Barangay Bayanga ning siyudad. Naipit ang lawas sa biktima sa nahulog nga tanker truck. Gibutyag ni City Disaster Risk Reduction and Management Department (CDRRMD) Head Nick Jabagat nga dako ang posibilidad nga self-accident ang nahitabo human gitoohang nakatulog ang biktima samtang nagbiyahe padulong sa maong dapit. Gitin-aw sa CDRRMC nga walay gika-engkwentro nga sakyanan ang truck dihang nahulog sa pangpang.
Una niini, gikompirmar ni Habagat nga misaka pag-ayo ang ihap sa mga road accidents sa syudad bisan wala pa mahuman ang bulan sa Disyembre. Subay kini sa datos nga nahipos sa ilang buhatan. Gibutyag niini nga mas daghan ang aksidente sa dalan sa 2025 itande sa naglabay nga mga tuig. Subli nagpadumdum ang CDRRMC sa tanan drayber nga dili mu-inom kung magmaneho, ug ipakilid ang sakyanan kung magduka.
