CAGAYAN DE ORO CITY – Gi-kuwestiyon ni kanhi City Mayor Oscar Moreno ang pagpakahilom ni City Mayor Rolando ‘Klarex’ Uy kabahin sa nagka-dakpi sa lima ka Intsik ug laing 13 ka Pinoy nga aktong nasapon nga nag-illegal mining operations sa bukirang bahin sa lungsod sa Opol,Misamis Oriental sa miaging duha ka semana.
Miingon si Moreno nga dili mahimong walay buhaton ang city hall kay dayag nga apektado ang Iponan river sa maong pagkaguba sa bukid sa Opol nga mohatag perhisyo sa katawhan nga namuyo sa dakbayan.
‘Katingad-an kaayo ang daw makabungol nga pagkahilom sa city hall kabahin sa nahitabong pagka-dakpi sa lima ka Intstik nga nalambigit sa ilegal mining.’
Namahayag usab ang kanhi mayor nga subay sa iyang kasaligan nga tinubdan sa impormasyon,ang maong mga Intsik ang nakigkita sa pipila dagkong opisyal sa city hall.
Balor 30 milyones nga kabtangan sa mina-mina ang nabawi sa composite team nga gilangkuban sa DENR ug MGB 10,NBI 10 ug mga sundalo sa 1st Special Forces Batallion sa 403rd IB nga ubos sa 4th ID,Philippine Army.
Una nag-atubang sa halos napulo ka kaso may kalabutan sa kinaiyahan ang maong Intsik nga sila
Mingshi Meng, Shen Chuangao, Pan Jiquan, Lou Jian Hui ug Yuan Yin Lin.
Samtang ang mga Pinoy naglakip kanila ni Ariel Gasal, Rengie Baricuatro, Randy Salcedo, Ranold Paderan, Elmer Dagsaan, Manuel Bahiani, Orlando Duwang, Rachel Saavedra, Ricky Castillo, Christopher Dagsaan and Rj Besonia
