Gidepensahan ni Defense Secretary Gilberto Teodoro Jr. ang Pilipinas batok sa panawagan sa China nga magmatngon sa mga pahayag bahin sa isyu sa kadagatan, ug gipasabot nga nagsulti lang ang Manila sa kamatuoran bahin sa panagbangi sa South China Sea.
Gipagawas ni Teodoro ang maong pamahayag human giawhag ni Chinese Foreign Minister Wang Yi ang Pilipinas nga magmabinantayon sa mga pulong ug lihok niini bahin sa mga isyu sa kadagatan atol sa usa ka tawag sa telepono uban ni Philippine Foreign Affairs Secretary Ma. Theresa Lazaro.
Matud ni Teodoro, kanunay lamang gipagawas sa China nga ang Pilipinas ang responsable sa maong panagbangi ug galaum kini nga makita ang susamang matang sa responsibilidad sa panig sa China.
Dugtong niini, gikuwestiyon usab ni Teodoro ang maong pahayag sa China ug gipanghingusgan niini nga nagsulti lamang ang Pilipinas sa kung unsa ang kamatuoran. (raniel mahunyag)
