Miangkon si kanhi Anakalusugan Representative Mike Defensor nga iyang gitabangan ang 18-ka kanhi Marines ug Navy nga giingong nag-alagad isip “bagmen” o tigdala sa kwarta alang kang kanhing Ako Bicol Partylist Representative Zaldy Co.
Matod ni Defensor, naghatag siya sa sakyanan ug suporta sa press conference sa mga sundalo niadtong Pebrero 24 aron ipagawas ang ilang testimonya.
Dugang pa ni Defensor nga ang tumong mao ang pagpasabot sa alegasyon sa korapsyon ug pagpanalipod sa kaluwasan sa mga sundalo ug ilang pamilya.
Gipanghimakak usab ni Defensor nga adunay ‘destabilization plot’ ug miingon nga andam ang mga sundalo nga motubag sa imbestigasyon sa Senado. (Phillip Ariata)
