Posibleng adunay epekto ang deklarasyon ni Vice President Sara Duterte nga mudagan sa 2028 presidential elections sa umaabot nga nominal voting karong Lunes.
Kini ang giingon ni Atty. Nazir Ynawat, national president sa Alliance of Advocates Federalism in the Philippines, sa iyang interbyu sa Bombo Radyo.
Si Ynawat miingon nga masuta pa kung makaapekto ba sa desisyon sa mga kongresista ang maong pahayag.
Giingon pa niya nga bisan pa adunay presyur gikan sa administrasyon, posible gihapon nga maimpluwensyahan ang pipila ka mambabalaod, ilabina sa mga lugar nga balwarte sa Bise Presidente.
Dugang pa niya, importante nga tan-awon kung unsa ang timbang sa desisyon sa mga kongresista tali sa personal nga baruganan ug sa impluwensya sa politika.
Busa, magtan-aw karon ang abogado sa resulta sa nominal voting aron makita kung unsa gyud ang epekto sa maong deklarasyon.
