CAGAYAN DE ORO CITY – Gisunog sa upat ka armadong kalalakihan ang boom spray truck nga gipanag-iya sa kompanyang Del Monte Philippines Incorporated o DMPI nga nakaparada sa ilang plantasyon sa Brgy Casisang,Malaybalay City,Bukdinon kagabii.
Kini human sudla sa wala maong mga suspetsado ang DMPI farm ug gilayong gisunog ang maong ekipo sa wala matug-an nga hinungdan.
Namahayag si 403rd IB,Philippine Army commander Brig Gen Edgardo de Leon nga dako ang ilang pagtoo nga ang rebeldeng New People’s Army o NPA ang mihimo sa maong kremin.
Gibutyag ni De Leon nga bugtong ang maong grupo lamang ang dunay kapas paghimo sa pagpangsunog susama sa mga unang mga kaso nga natala sa Bukidnon.
Hinoon,walay trabahante nga gipasakitan sa mga suspek samtang gihimo nila ang kremin.
