Mukabat sa 3,700 ka mga claimant ang wala pa makadawat sa ilang bayad gikan sa Marawi Compensation Board sumala pa sa pamahayag ni Drieza A. Lininding sa Moro Consensus Group.
Nasayran nga kini nga mga biktima nagagikan sa upat ka mga barangay sa main affected area nga naapektuhan sa mga proyektong imprastraktura sa kagamhanan.
Bisan pa man sa naglungtad nga memorandum of agreement tali sa Marawi Compensation Board ug National Housing Authority, nagpabilin gihapon nga pangutana kung kanus-a maproseso ang ilang bayad.
Ingon niini ang kahimtang, naghulat pa ang mga apektadong residente kung unsay pamaagi sa pagbayad nga ipatuman sa National Housing Authority alang sa ilang mga claim.
Basi sa pagpasabot ni Lininding, ang maong kakuwang sa pondo o proseso sa National Housing Authority maoy usa sa mga nag-unang hinungdan ngano nga nalangan ang pag-release sa maong mga kompensasyon.
