Gihulagway ni Deputy Speaker Janette Garin nga usa ra ka delaying tactic ang pamaagi sa depensa aron ilihis ang atensyon sa publiko sa kontrobersyal nga ₱1.6-billion nga pundo sa OVP ug DEPED.
Sa interbyu sa Bombo Radyo gipamugos sa opisyal nga ang Impeachment Court ang pinakamaayong oportunidad alang kay Bise Presidente Sara Duterte aron matubag ang mga alegasyon ug malimpyohan ang iyang ngalan.
Gipatin-aw usab ni Garin nga lahi ang Impeachment Court tungod kay ang tumong sa mga senador mao man ang pagtuki sa paglapas sa pagsalig sa katawhan o betrayal of public trust.
Tungod niini, gipamugos sa magbabalaod nga obligasyon sa Kongreso ug Senado ilalom sa Konstitusyon ang paghatag og direktang tubag sa publiko.
