Gipalig-on sa Department of Labor and Employment (DOLE) ang mga paningkamot aron mapanalipdan ang delivery riders batok sa peligro sa grabeng kainit nga posibleng dala sa El Niño gikan Nobyembre hangtod Marso.
Sumala sa Labor Secretary Francis Tolentino, nakigpulong ang ahensya sa mga platform operators aron mabalangkas ang angay nga mga polisiya ug proteksiyon alang sa mga riders panahon sa taas nga heat index.
Gihisgutan usab ang mga lakang aron malikayan nga mapasakitan o mapenalize ang mga riders kung maulahi ang ilang delivery tungod sa grabeng kainit.
Giingon ni Tolentino nga tumong sa lakang nga mapadayon ang serbisyo samtang gipanalipdan ang kahimsog ug kaluwasan sa mga riders.
Lakip sa gitan-aw sa DOLE ang pagpagaan sa mga silot ug paghatag sa mas luwag nga delivery arrangements alang sa mga apektadong trabahante
