CAGAYAN DE ORO CITY-Iduso karong adlawa sa kampo ni Police Supt Michael John Deloso ug SP03 Ernesto Galleto ang ilang petisyon diin maghangyo sa Court of Appeals o CA nga mahatagan sa temporary restraining order o TRO.
Kini aron pugngan ang pagpatuman sa dismissal order nga gipahamtang sa Ombudsman tungod sa kasong serious dishonesty ug grave misconduct nga giduso ni Atty Ernie Palanan batok kanila.
Si Deloso ug Galleto ang nasikop atol sa entrapment operation sa NBI-10 diin aktong nasapon midawat sa kantidad P6-mil cash gikan kang Palanan sulod sa usa ka restaurant tuig 2014.
Unang namugos si Palanan nga mismo siya nga nagtunol sa salapi kanila kang Deloso hinungdan nga sila nasikop sa NBI operatives.
