CAGAYAN DE ORO CITY-Makig-koordinar ang Special Investigation Task Group o STIG sa PNP-10 kabahin sa kalit pagkawala ni Police Supt Michael John Deloso.
Kini human nakagawas na si Deloso sa pagka-confine sa Northern Mindanao Medical Center dihang na-ambush sa duha ka suspek sa syudad.
Miingon si SITG-Deloso spokesperson Police Supt Mardi Hortillosa nga posibleng nag-vacation leave na si Deloso aron makabaton sa igong pahulay sa nahitabo kaniya.
Giklaro ni Hortillosa nga gikinahanglan sa SITG ang pahayag ni Deloso aron mapalig-o ang kaso nga ipasaka batok sa utok sa pag-ambush kaniya diha sa Capitol-Luna Streets sa syudad niadtong Nobyembre ning tuiga.
