CAGAYAN DE ORO CITY-Gitugyan na sa Special Investigaion Task Group ang footages sa CCTV sa PNP Anti-Cybercrime Group -10 diin nakuha ang pag-ambush kang Supt Michael John Deloso sa duha ka suspek diha sa Luna-Capitol Streets sa syudad.
Miingon si City Police Director Sr/Supt Nelson Aganon nga pabiling nakatutok ang ilang imbestigasyon nga kabahin sa trabaho ni Deloso ang rason kon nganong gisulayan kini’g patay sa miaging adlaw’ng Martes.
Gani,anaa pa sa 30-porsyento nahuptan sa SITG sa ilang imbestigasyon samtang si Deloso ang pabiling nagpalagsik sa iyang mga samad-pinusilan sulod sa Northern Mindanao Medical Center.
Samtang dili gusto si Regional Peace and Order Council chairman City Mayor Oscar Moreno nga dali-dalion ang paghimo sa imbestigasyon sa pagpang-ambush sa duha ka govt officials ning syudad.
Kini human giangkon ni Moreno nga gikaalarma niini ang pag-ambush kanila ni Supt Michael John Deloso ug Jonathan Joseph Borja kinsa kagawad sa Brgy 3 sa syudad sulod lamang ning semanaha.
Miingon si Moreno nga nakadawat na kini sa kalambuan sa duha ka kaso apan dili usab niini gusto nga ‘ahat’ ang ilugwa nga resulta sa imbestigasyon.
