CAGAYAN DE ORO CITY – Bukas ang 4th Infantry Division alang sa mga pulitiko nga gustong magpatabang tungod sa hulga sama sa mga demand letter ug extortion activities gikan sa rebeldeng New Peoples Army (NPA) nga naglihok sa Amihanang Mindanao.
Kini ang garantiya ni 4ID spokesperson Army Captain Reggie Go atol sa interview sa Bombo Radyo.
Namahayag si Go nga importanteng mukoordinar kanila ang pulitiko nga nakadawat sa extortion letters ug mga hulga.
Ila sab gitawagan ang mga publiko nga isumbong sa labing dool nga kampo sa militar o istasyon sa kapulisan ang mga sightings sa mga armadong kalalakihan aron kini marespondehan.
