Wala na mabati ni Atty Eddie Cuaresma ang matood nga demokrasya sa nasud. Kini ang rason nga iyang gikondinar ang kasamtangang kahimtangan sa demokrasya sa Pilipinas.
Namahayag ang kanhi IBP CDO–Misamis Oriental President nga ang demokrasyo napuslan lang ug ayo sa mga elitista ug oligarkiya kung basehan ang sistema sa pangagamhanan sa nasud.
Namugos si Cuaresman nga nailog sa gamay nga porsyon sa katawhan ang bili sa demokrasya, samtang ang mga kabus nga gusto magpalanog sa ilang mulo, walay tsansa nga makapadayag kay dili man aktibo ang partisipasyon sa dakung sektor.
Ang pipila kanila, nagpakahilom kay mahadlok kasuhan, samtang ang pipila kanila, nagpasagad nalang ug gidawat ang kasamtangang sistema sa nasud nga wala silay tsansa makapadayag kay wala sila sa gahum.
