CAGAYAN DE ORO CITY – Ipatuman na sa korte inabagan sa kapolisan ang writ of demolition sa mga nabiling kabalayan sulod sa mga lote numero 4354 ug 4357 nga land reservation sa Philippine Army sa Kampo Edilberto Evangelista,Brgy Patag sa syudad karong buntag.
Kini human sugu-a sa korte suprema ang sala ni RTC Branch 17 Presiding Judge Ana Casiño nga mabalik na sa gobierno ang maong mga lote nga unang napatituluhan sa duha ka pamilya dekada 60 hangtod 70 bisan nagsilbing military reservation sa natl govt.
Namahayag si 4ID legal officer Army Captain Atty.Gregor Pondonyo nga dekada 30 pa gi-intrigo sa natl govt sa Philippine Army ang maong mga yuta nga igo lang gikuha’g balik ning panahona.
Mapatuman ang demolasyon batok sobra 300 ka balay kay gibasura ni Casiño ang urgent motion to quash petition sa mga residente batok sa kasuguan sa korte suprema.
Samtang mihangyo si 4ID commanding officer Maj Gen Jose Maria Cuerpo II sa mga apektadong residente nga dili magpadala sa emosyon apan tahuron ug sundon ang sugo sa balaod.
Kini ang gipalanog nga mensahe sa heneral pinaagi ni 4ID’s Demolition spokesperson Army Captain Abigail Lorenzo alayon sa pagpatuman sa demolition order sa mga puy-anan ning adlawa.
Namahayag ang opisyal nga igo lang gi-depensa sa Philippine Army ang govt property nga ilegal natituluhan sa duha ka pribadong pamilya sugod sa dekada 60.
Hisayrang ipatuman ang demolition sulod sa lima ka adlaw sugod ning adlawa.
