CAGAYAN DE ORO CITY – Gipangandaman sa liderato sa 4ID,Philippine Army ang pagpatuman sa korte sa demolasyon sa nabiling mga balay nga nagtindog sa duha ka lote nga gikonsidera nga military reservation sa Camp Evangelista, Brgy Patag sa syudad.
Kini alayon sa pagsilbi na sa mando sa Regional Trial Court Branch 17 aron matuman usab ang gimando sa korte suprema nga unang nagpabor sa Philippine Army batok sa apektadong residential claimants sa lugar.
Gani,gibuksan sa 4ID alang sa mga sakop sa media ang demolition implementation nga ipatuman sulod sa kampo ugmang adlawa.
Namahayag si 4ID spokesperson Lt Col. Francisco Garello Jr nga nag-unang tuyo sa pagpasulod sa local media aron matutukan ang tanang anggulo sa court order ug kalikayan ang isyu nga dunay tawhanong mga pagsupak.
Gani,gibutyag ni Garello nga gawas kaniya dunay laing 4ID officials nga motubag pag-abot sa isyu sa demolasyon.
Una nang miapelar ang pipila ka pamilya sa korte nga lugwaan sa resolusyon ang gisang-at nga petition to quash apan giingong wala pabori rason madayon ang pagpangguba sa kabalayan.
Nabaniug usab nga giingong napalit na sa bilyones pesos ang dakong kapitalista ang espasyo sa 4ID rason angay mahawan una ang house structures ug ibalhin ang kampo sa bukirang bahin sa Cagayan de Oro o Bukidnon.
Apan dili maka-kompirmar ang liderato sa 4ID sa impormasyon ug national headquarters lang ang dunay pagtugot pagtubag sa ubang mga isyu.
