CAGAYAN DE ORO CITY – Misaka pa sa 15-mil 798 ang kompirmadong kaso sa dengue nga epekto sa pagpaak sa mga lamok diin sagad naigo niini ang kabataan nag-edad 5 hangtod 9 sa rehiyon ning tuiga.
Kompirmasyon kini ni Jasper Kent Ola,hepe sa DoH 10’s RESDRU dungan sa pagsulti nga halos 90 ka pasyente na ang patay sa maong sakit.
Miingon si Ola nga sobra 15-mil ka kaso, 13-mil 143 sa mga pasyente ang nasulod sa nagkadaiyang ospital sa rehiyon.
Dugang ni Ola nga nag-una usab sa mga syudad nga naghupot sa taas nga kaso ning tuiga ang Cagayan de Oro nga dunay mil-183 ning tuiga.
Kini gisundan sa Iligan City,Malaybalay City,Valencia City ug bisan ang Misamis Oriental nga gikan mil-216 sa tuig 2023 milista na kini sa 2-mil 797.
