CAGAYAN DE ORO CITY – Gimando ni DENR Sec Roy Cimatu sa tanang mga opisyal ug empleyado nga mag-adjust sa ilang kaugalingong seguridad.
Kini tungod sa gihimong pag-atake sa 65 anyos nga gusto makuha ang gikompiskar nga wing van nga gikargahan sa 2-mil ka board feet sa kahoy’ng lawaan sa CENRO-Initao ning lalawigan.
Miingon si DENR Asst Regional Director Aldritch Resma nga gihimo ni Cimatu ang pahimangno dungan sa ilang pagsimpatiya sa pamilya ni Police Master Sgt Jason Magno kinsa namatay kay nabuthan sa granada nga dala ni Ibrahim Basher sa covered court sa Initao Community College.
Si Magno ang giila nga bayani sa iyang pagsakripisyo mabuthan sa granada maluwas lamang ang 16 ka kinabuhi nga naglakip kang Police Master Sargeant Alice Balido sa miaging adlaw.
