CAGAYAN DE ORO CITY – Gihimakak ni Department of Environment and Natural Resources (DENR) Asst Regional Director Aldritch Resma ang pagyaga-yaga ug pagpangayo’g ‘padanlog’ sa pipila ka CENRO employees kon nganong naglasong si Ibrahim Basher nga taga- Madamba,Lanao del Sur sa Initao,Misamis Oriental.
Kini human unang naggawas ang impormasyon sa social media nga daw gibinata sa CENRO si Basher ug gisaad-saaran ma-release ang iyang sakyanan hinungdan nadismaya.
Miingon si Resma nga kon nangayo pa’g bribe money ang iyang mga sakop kang Basher,dugay na unta nga gi-release ang mga kahoy ug sakyanan nga unang nakompiskar sa Brgy Lumbia sa syudad niadtong Marso 25, 2019.
Una nang may nag-post sa social media nga nagpailang anak ni Basher diin gibulgar ang daw yaga-yaga ug giingong pagpangayo’g ‘padanlog’ sa wala matug-an nga hinungdan.
