CAGAYAN DE ORO CITY – Gimatud-an ni City Mayor Rolando ‘Klarex’ Uy nga wala nagpasagad ang city government sa pagdumala sa engineered sanitary landfill compliant sa Brgy Pagalungan ning syudad.
Kini human mipagula sa ilang taho ang Environmental Management Bureau sa Department of Environment and Natural Resources o EMB-DENR 10 bag-uhay lang kalabot na sa kahimtang sa sanitary landfill human mihimo og inspection ang ilang buhatan sa milabay’ng tuig.
Lakip sa gisusi sa EMB ang pagplastar sa high-density polyethylene liner nga maoy magpugong nga dili masagol sa yuta ang leachate o duga sa basura nga maoy makadaot sa yuta ug suba.
Miingon si CLENRO manager Engr Armen Cuenca nga gikalipay sa ilang buhatan ang maong taho.
Nanghinaut usab ni Cuenca sa kooperasyon sa katawhan sa pagsubay ingon man sa pagtuman sa lagda sa Republic Act 9003 o Ecological Solid Waste Management Act of 2000 aron padayong mapanalipdan ang sanitary landfill.
