CAGAYAN DE ORO CITY-Namugos ang Department of Environment and Natural Resources – Environmental Management Bureau o DENR-EMB -10 nga luwas sa panglawas sa tawo ang 162 ka toneladang basura gikan Australia nga midunggo sa Tagoloan,Misamis Oriental.
Miingon si Si EMB-10 regional director Rey Digamo nga nakasunod sa ilang gabayan ang mga basura hinungdan nga ilang gitugtan ang kompanyang Holcim Philippines Incorporated paggamit niini sa ilang operasyon.
Siya miingon nga gipaubos na nila sa pakisusi ang mga basura ug ilang napamatud-an nga dili kini makadaut sa panglawas sa tawo.
Gani,gitawag kini sa ilang ahensiya nga processed engineered fuel nga gamiton nga enerhiya sa paggama’g semento sa kompaniyang Holcim.
