CAGAYAN DE ORO CITY – Gihupay sa Department of Environment and NaturalResources o DENR-10 ang kabalaka sa publiko sa nasinatiang baga nga haze sa pipila ka bahin sa Northern Mindanao.
Kini tungod sa forest fires nga nasinatian sa Sumatra ug Kalimantan, Indonesia.
Kini human miabot na sa syudad,Misamis Oriental ug Bukidnon ang aso sa Indonesia nga nagsugod niadto pang adlaw’ng Martes.
Sumala ni DENR-10 regional director Reynaldo Digamo nga anaa pa sa stage nga ‘fair’ ang air quality sa rehiyon hinungdan nga walay angayang kabalak-an.
Apan nagbahad si Digamo nga posibleng maghatag dautang epekto sa panglawas sa tawo ang hangin kun ugaling dili pa matapos ang forest fires sa Indonesia.
Una nang gipahimangnuan sa ahensiya ang mga bata, edaran,mabdos ug nagbaton sa problema sa heart and lung condition nga likayan una ang pagdalikyat ug paghimo sa outdoor activities.
