CAGAYAN DE ORO CITY – Milampos ang Bureau of Customs sa pagkombinsir sa walo ka mga opisyal sa South Korea nga dili na mag-import sa basura sa Pilipinas.
Sa pakighinabi sa Bombo Radyo, gibutyag ni Mindanao International Container Terminal Port Collector John Simon nga gikan sa department of environment ang mitambong sa close door meeting kuyog, ang Eco-Waste Coalition, Sangguniang Panlalawigan Gregorio Sabal, MisOr Representative Juliet Uy ug uban pang mga magbabalaod.
Namahayag si Simon nga nagpalugwa sa kamanduan ang Seoul Government nga dili na mapahigayon sa importasyon sa basura dili lang sa Pilipinas apan lakip na sa ubang kanasuran.
Nakita sa mga langyaw’ng opisyal ang dakung impact sa kadaut sa kinaiyahan ug panglawas sa tawo ang mga basura gikan sa South Korea.
